• Lajmi
  • KosovaPress, 19 Prill 2012 13:46

Të hiqet dogana për lëndën e parë

prev next
 
Të ngjajshëm

Konsorciumet e fuqishme, heqja e pagesës në doganë për lëndën e parë të industrisë përpunuese si dhe ulja e mospërputhjes në mes të eksportit dhe importi, konsiderohen si ecje para nga eksportuesit vendor. Gjatë një takimi me ministrin e Zhvillimit Ekonomik, Besim Beqaj, eksportuesit e vendit kanë pohuar se që të dyja palët kanë faj pse eksporti është vetëm 200 milionë euro. /Kosovapress/

Ministri Beqaj ka pohuar se promovimi më i mirë i investimeve të huaja bëhet duke tentuar t’i trajtojmë sa më mirë investitorët vendor dhe duke tentuar që kontaktet të shfrytëzohen për tërheqjen e investitorëve të tjerë.

“Sipas të dhënave të Bankës Qendrore, eksportet janë mbi 200 milionë euro. Ngapak kemi filluar edhe shërbime të cilat tregojnë se kemi një ngritje ekonomike e cila mundëson që në produkte cilësore por edhe në shërbime cilësore të jemi prezent, jo vetëm në tregun rajonal por edhe në tregjet e tjera”, ka thënë ai.

Ndërsa, Muhamet Imeri, kryetar i Shoqatës së Eksportuesve të Kosovës, ka pohuar se një pjesë e fajeve mund të jetë edhe tek kompanitë ngase nuk kanë krijuar konsorciume të fuqishme, ndërsa Qeveria, sipas tij, suksesin duhet ta llogaris me atë se sa mund të ulet mospërputhja mes importit dhe eksportit.

Imeri ka pohuar se konkurrencë naive është që për disa lëndë të para për tregun e brendshëm, edhe tani industria përpunuese paguan doganë.

“Kish me qenë e nevojshme, krahas sferave të tjera, krahas bujqësisë dhe disa të tjerave që edhe ato të jashtëm të gjejnë mundësinë që industrinë përpunuese në Kosovë ta përkrahin në mënyra të ndryshme, konkretisht në investime në teknologji dhe në investime në kapacitetet humane. Ndër ato gabime që ka pasur komuniteti i biznesit është edhe një gabim shumë e i madh, për arsye se kompanitë kosovare kanë mbet rob i vetvetes dhe nuk janë krijuar konzerciume të fuqishme të cilat kishin me i ba ballë konkurrencës regjionale”, ka thënë ai.

Ndër të tjera, ministri Beqaj ka pohuar se kanë ndërtuar tri tarifa nxitëse në fushën e energjisë. Tarifën nxitëse për hidroenergji, për energji nga era dhe për energji nga biogazi, ndërsa, sipas tij, në proces është edhe tarifa nxitëse për energji solare.

/Kosovapress/