Depresioni si shkaktar i sëmundjeve

prev next
 
Uashington E shtune, 15 Shtator 2012 20:33

Stresi dhe depresioni janë ndër problemet më të shpeshta shëndetësore që ndeshen në popullatë, jo vetëm në atë shqiptare, por dhe botërore në përgjithësi.

Organizata Botërore e Shëndetësisë përllogarit se depresioni është një shqetësim mendor, i cili në vitin 2020 mendohet se do të jetë shqetësimi i dytë më i madh në vendet perëndimore.

Stresi në punë, në jetë në përgjithësi, është një fakt që mund të precipitojë sëmundje mendore në jetën e individit, pohojnë specialistët e shëndetit mendor, sipas të cilëve, ka shumë faktorë që ndikojnë në këtë, si ata gjenetike, por dhe stili i jetesës, etj.

Ndërsa OBSH vlerëson se në shkallë globale 1 në 4 persona do të pësojnë në një moment apo një tjetër të jetës së vet një problem të shëndetit mendor.

Depresioni, sipas specialistëve, ka 4 forma të shfaqjes së tij, ndërsa shfaqet me një sërë simptomash, disa prej të cilave konstatohen lehtësisht, por disa të tjera janë të vështira të dallohen. Ndër simptomat e depresionit janë trishtim, mërzitje, irritim, humbje interesi në aktivitetet e përditshme, pagjumësi ose gjumë i trazuar, shpërqendrim, pavendosmëri, mendime për vetëvrasje, etj. Por edhe shtim i oreksit e në peshë, ngadalësim i aktiviteteve, dhimbje koke dhe astma flasin për praninë e depresionit tek individët.

Tek të rinjtë depresioni dhe vetëvlerësimi i ulët lidhen me pirjen e duhanit, abuzimin me alkool, çrregullimet e ngrënies dhe seksin e pasigurt, duke i vënë ata në rrezik kundrejt një sërë sëmundjesh seksualisht të transmetueshme, përfshirë dhe HIV/AIDS.

 
 
 
comments powered by Disqus
 
 
 
 
 

Ju rekomandojmë