Follow Us

KYQU SQ EN
E Diel, 25.09.2016 04:14

​Edhe KQZ: Aliu dhe Salihaj në balotazh

Prishtinë | 29/04/2012 22:43

Komisioni Qendror i Zgjedhjeve ka shpallur rezultatet preliminare për zgjedhjet e jashtëzakonshme të mbajtura sot në Komunën e Ferizajt. Sipas kryetares Valdete Daka, prezantimi i shpejtë i rezultateve është mundësuar falë një pilotprojekti për numërimin e votave nga KQZ, i cili projekt ka funksionuar.

Në bazë të këtyre të dhënave nga mbi 95 mijë qytetarë më të drejtë vote, gjatë ditës kanë votuar 28.385 veta, apo 29.74 për qind, pa përfshirë këtu edhe një vendvotim që nuk është numëruar ende.

Pra nga 124 vendvotime janë numëruar votat e 123 prej tyre. Numri i fletëvotimeve të vlefshme është 28.009, kurse numri i fletëvotimeve të zbrazëta dhe atyre të pavlefshme është 369.

Rezulatet sipas kandidatëve të partive ndërkaq janë si vijon: Agim Aliu i PDK-së me 40.74 %, i dyti radhitet Adem Salihaj i LDK-së me 24.09%, ndërsa i treti është Faton Topalli i Vetëvendosjes me 15.96 %, pastaj Naim Ferati i AAK-së me 10.86 %, kandidati Ramadan Hasani i AKR-së 4.87%, Burim Ademi i PD-së me 2.60 %, kandidati i pavarur Rrahim Sadiku me 0.54 % dhe Ramadan Emini i LB-së 0.39 %.

Valdete Daka është shprehur se janë në pritje edhe të rezulatteve të Komisionit Komunal Zgjedhor, edhe pse rezultatet e prezentuara i ka cilësuar si zyrtare. Megjithatë, për balotazh ajo është shprehur se do të vendos KQZ vetëm pas shpalljes së rezultateve finale.

Në bazë të rezultateve aktuale garën për balotazh do ta vazhdojnë kandidati i PDK-së dhe ai i LDK-së.

 
 

Shpërndaje


Artikuj të sponzorizuar

Më shumë nga KosovaPress