Follow Us

KYQU SQ EN
E Premte, 30.09.2016 12:15

​Berlini i thotë jo Greqisë të paguajë sërish për Luftën e Dytë Botërore

Berlin | 03/04/2012 11:07

Ministria e Punëve të Jashtme e Gjermanisë, ka njoftuar se Gjermania pranon përgjegjësinë e saj për Luftën e Dytë Botërore dhe shpreh keqardhjen e thellë për vuajtjet e viktimave, por Gjermania ka paguar tashmë dëmshpërblimet në kuadrin e Marrëveshjes së 1946-tës dhe ka mbështetur në mënyrë aktive edhe rindërtimin e Greqisë.

“65 vjet pas Luftës dhe pas dekadave të bashkëpunimit paqësor, plot besim, të Gjermanisë me Greqinë dhe marrëdhënieve tona të ngushta me NATO-n dhe BE-në, çështja e dëmshpërblimeve, nga ana e Qeverisë Federale, nuk ekziston më”, thuhet në deklaratë.

Deklarata e ministrisë gjermane vjen pas kërkesës së Greqisë që Gjermania të paguajë sërish dëmshpërblim për krimet e luftës, përmes së cilës Greqia do të mbulonte një pjesë të borxheve të jashtme.

Manolis Glezos, gazetar grek dhe politikan i së Majtës, ka thënë se deklarata e ministrisë gjermane injoron vendimin e Komisionit Aleat të Parisit të 1946-s, prej 19 anëtarësh, sipas të cilit Gjermania duhet t’i paguajë Greqisë 7 miliardë dollarë amerikanë, (fuqia blerëse e 1938-s), dmth 108 miliardë euro pa interesin bankar. Gjithashtu injoron kredinë e detyruar prej 3,5 miliardë dollarë amerikanë, (fuqia blerëse e 1938-s), pra 54 miliardë euro sot. Krimet ndaj njerëzimit nuk mund të shuhen” thekson z.Glezos.

Ndryshe, çështja e dëmshpërblimeve iu nënshtrua edhe një beteje gjyqësore në Gjykatën e Hagës. Në muajin shkurt pas 7 vjetësh proces, Gjykata e Hagës, nuk e njohu vendimin e Gjykatës greke që iu jepte të drejtën familjarëve të viktimave të marrin dëmshpërblim nga Gjermania për maskarën e Distomos, pasi sipas gjykatës ndërkombëtare, gjykata greke dhe ajo italiane s’ka kompetenca të marrë vendime të tilla.

Mediat greke raportuan se në rast se diçka e tillë s’do të hidhej poshtë, paratë që do të buronin nga kjo, do të mund të mbulonin edhe një pjesë të borxhit grek.

 
 

Shpërndaje


Artikuj të sponzorizuar

Më shumë nga KosovaPress