Bamir e Teuta Topi takohen me Atin e Shenjtë

prev next
 
Tiranë E premte, 04 Maj 2012 17:13

Presidenti i Shqipërisë, Bamir Topi, së bashku me zonjën e parë Teuta Topi u nisën sot drejt shtetit të Vatikanit, me ftesë të Atit të Shenjtë, Papa Benediktit XVI.

Presidenti Topi dhe Zonja e Parë do të priten në një audiencë të veçantë nga Papa Benedikti XVI, në prani të personaliteteve të larta të Sekretarisë së Shtetit të Vatikanit.

Audienca që do të zhvillohet në zemër të Selisë së Shenjtë, do të ketë në qendër të tij bisedime mbi rëndësinë e forcimit të mëtejshëm të marrëdhënieve shumë të mira midis vendit tonë dhe Shtetit të Vatikanit, ruajtjen e vlerave të bashkëjetesës ndërfetare, si dhe kontributin e bashkësive fetare në jetën e vendit dhe rolin e shtetit në ndihmë të tyre. Gjatë kësaj vizite, Presidenti Topi pritet të zhvillojë edhe një takim zyrtar me Sekretarin e Shtetit të Vatikanit, Kardinalin Tarçizio Bertone.

 
 
 
comments powered by Disqus
 
 
 
 
 

Ju rekomandojmë