Alarm në Athinë, 17 prostituta me AIDS

prev next
 
Athinë E mërkurë, 02 Maj 2012 19:23

Ka shkuar në 17, numri i prostitutave që u gjetën pozitive në testin për virusin vdekjeprurës.

Autoritetet shëndetësore janë të shqetësuara, pasi numri i personave që kanë kontaktuar me to, duhet të jetë shumë i madh.

Siç transmeton Balkanweb, drejtoresha e Qendrës së Parandalimit të Sëmundjeve tha se është mbi 2000 numri i telefonatave të mbërritura në Qendër, kryesisht nga të rinjtë, të cilëve iu janë ofruar linja telefonike për informacione anonime dhe konfidenciale.

Policia ka publikuar fotot e prostitutave me AIDS, me qëllim që personat të cilët kanë frekuentuar shtëpitë publike, t’i identifikojnë dhe nëse kanë qenë klientë të tyre, t’i drejtohen urgjentisht mjekut për teste dhe analiza.

Ndërkaq prostituta ruse, që u arrestua e para, 22 vjeçarja Tatiana Bukhtoyarova, e cila akuzohet se kishte kryer kontakt seksual me 700 persona pa mjete mbrojtëse, edhe pse ishte në dijeni të sëmundjes, nuk e ka pranuar këtë fakt. "Unë nuk e dija se kisha SIDA. Për të kam mësuar, kur u arrestova. Ndihem mirë dhe nuk kam asnjë simptomë", ka thënë 22 vjeçarja, që tani ndodhet në burgun e Koridhalos. Nga analizat dhe testet që kanë kryer 70 nga klientët e saj, 3 prej tyre rezultuan pozitivë.

 
 
 
comments powered by Disqus
 
 
 
 
 

Ju rekomandojmë