Aksident trafiku me pasoja fatale

 
Prishtinë E shtune, 27 Shtator 2008 11:18

Një person ka humbur jetën dhe të dy të tjerë janë lënduar si pasojë e një aksidenti të komunikacionit që ka ndodhur në rrugën Gurrakoc-Klinë, në fshatin Zallq, ka njoftuar Policia e Kosovës.

Një person ka humbur jetën dhe të dy të tjerë janë lënduar si pasojë e një aksidenti të komunikacionit që ka ndodhur në rrugën Gurrakoc-Klinë, në fshatin Zallq, ka njoftuar Policia e Kosovës.

Në një komunikatë për media thuhet se në aksidenti ka ndodhur mbrëmë në ora 19.40.

Në aksident ishin të involvuar një automjet i tipit “Renault”, ngjyrë e kaltër metalike, ndërsa dyshohet se deri tek aksidenti ka ardhur kur si pasojë e mospërshtatjes së shpejtësisë dhe kushteve të rrugës, ngasësi ka humbur kontrollin mbi automjetin e vet, duke dalë nga rruga.

Me këtë rast lëndime vdekjeprurëse ka pësuar pasagjeri Gazmend Puka (1988) nga fshati Drejë, komuna Burim.

Lëndime të rënda trupore ka pësuar ngasësi i automjetit Samir Fazliu (1984) nga fshati Drejë, komuna Burim, i cili është dërguar në Qendrën Klinike Universitare në Prishtinë, ndërsa pasagjeri tjetër Mërgim Shala (1990) nga fshati Zallq, komuna Burim mbetet për shërim në Spitalin e Pejës. Gjendja e tyre shëndetësore është jashtë rrezikut për jetë.

Ndryshe, nga janari e deri në korrik të vitit 2008 janë regjistruar 57 aksidente me fatalitet, në të cilat kanë pësuar 68 persona, ndërkaq krahasuar me vitin 2007 në të njëjtën periudhë kohore ka pasur 63 aksidente me fatalitet dhe 67 të vdekur.

Policia këshillon të gjithë ngasësit e automjeteve që të kenë kujdes në rrugë, sepse kujdestarë të trafikut dhe të jetës së tyre në rend të parë janë vetë ata e jo nga policia.

 
 
 
comments powered by Disqus
 
 
 
 
 

Ju rekomandojmë