Në Gjakovë LDK-së i bashkohen edhe 500 të rinj

prev next
 
Prishtinë E diel, 25 Mars 2012 17:59

Dega e Lidhjes Demokratike të Kosovës në Gjakovë, për nderë të inagurimit të lokaleve të reja të degës, në mënyrë solemne të dielën ka bërë dorëzimin e librezave për 500 të rinjëve të anëtarsuar rishtazi në këtë degë.

Në një komunikatë të lëshuar nga LDK, thuhet se me një fjalë rasti, kryetari i degës së LDK-së në Gjakovë, Luan Gola, ka përshëndetuar të pranishmit, anëtarë të kryesisë qendrore, kryesisë së degës, Forumit të Gruas, Forumit Rinor, delagatë, përfaqësues të grupit të ekspertëve, familjar të themeluesve të degës në Gjakovë.

Themelimi i LDK-së, dega në Gjakovë, është rrjedhojë e nismës së shtatorit dhe tetorit te vitit 1989 nga një grup intelektualësh në krye me dr. Ibrahim Rugovën, për themelimin e një partie politike shqiptare, nismë kjo e cila u kurorzua më mbajtjen e Kuvendit të Parë të LDK-së më 23.12.1989.

“Qeverisja në nivelin qendror por edhe ajo lokal, nuk mund të mburren me atë që i kanë ofruar në periudhen e dy mandateve qytetarëve të tyre. Procesi gjithëpërfshirës ekonomik, shoqëror shënon ngecje të vazhdueshme dhe Gjakova vazhdonë të mbetet vrimë e zezë në situaten e rënduar në Kosovë. Procesi i privatizimit e rëndoi dhe e sfidoi edhe më shumë situaten në komunën tonë. Sektori privat mbetet i dobët. Ai përmbanë vetëm 5.5% të të gjitha bizneseve të regjistruara në shkallë vendi. Kjo situatë ka sjelluar deri tek rritja e shkallës së emigrimit që është më e larta në nivel vendi, 12 banorë nga 1000 sosh", tha Gola.

Po ashtu më një fjalë rasti të pranishmit i përshëndeti dhe nënkryetarja e LDK-së, Teuta Sahatqija, e cila i siguroi të pranishmit se në zgjedhjet e ardhshme në Kosovë, LDK do të shënojë një fitore bindëse në të gjithë Republikën e Kosovës.

Kjo ceremoni e shënua në degën e LDK-së në Gjakovë zgjoi entuziazëm dhe shpresë tek të pranishmit të cilët kërkojnë dhe presin një rikthim të Lidhjes Demokratike të Kosovës në qeverisjen nacionale dhe lokale.

 
 
 
comments powered by Disqus
 
 
 
 
 

Ju rekomandojmë