Ura e Ibrit me dy tenda

Mitrovicë, (Kosovapress) 02 Korrik 2012 08:24

Dy cepat e urës kryesore mbi lumin Ibër në Mitrovicë, tashmë karakterizohen me dy tenda të mëdha, të cilat i ndan barrikada mbi urë e vendosur nga serbët në korrik të vitit të kaluar.

Tenda përtej barrikadës në cepin verior të urës është vendosur kohë më parë, nga të ashtuquajturat “roje të barrikadës”, pas ftohjes së motit, ndërsa për dallim nga ta KFOR-i ka vendosur të hënën tendën tjetër, këndej Ibrit, pas ngrohjes së motit.

Njëri nga ushtarët austriak të KFOR-it që ndodhej në autoblindë dhe nën këtë tendë, tha në kushte anonimiteti se “këtu gjithnjë po bie dielli dhe ne po vuajmë nga kjo, andaj kemi vendosur tendën”./Kosovapress/