Çeku dhe Kastrati udhëtojnë për në SHBA

Prishtinë, (Kosovapress) 12 Gusht 2012 16:10

Ministri i Forcës së Sigurisë së Kosovës (FSK), Agim Çeku dhe gjenerallejtënant Kadri Kastrati, të dielën kanë udhëtuar për vizitë zyrtare një javore, në Shtetet e Bashkuara të Amerikës.

“Ministri Agim Çeku dhe delegacioni i FSK-së, do tË vizitojnë fillimisht Uashingtonin, ku do të kenë takime në Departamentin e Shtetit, pastaj do të kenë vizita dhe takime në Departamentin e Mbrojtjes të SHBA-ve, për të vazhduar takimet, në Des Moines të shtetit Ajova për të marrë pjesë në Programin Shtetëror të Partneritetit Ajova-Kosovë”, njofton Ministria e FSK-së.