Promovohen të drejtat e qytetarëve

Ferizaj, (Kosovapress) 21 Qershor 2012 19:09

Qytetarët e Ferizajt nuk kanë shprehur interesimin e duhur për të qenë pjesë e një debati, në të cilin do të informoheshin për të drejtën e ankesës nëse u shkelet ndonjë e drejtë nga institucionet e drejtësisë, prokuroria, gjykata apo edhe policia. Pavarësisht pjesëmarrjes së ulët, ky debat i organizuar nga disa organizata joqeveritare, si ATRC-ja, CLARD-i dhe S&Q, mundësoi që përfaqësues të drejtësisë të sjellin aspekte të punës së tyre të përditshme në zbatimin e ligjit. Në paraqitjet e tyre, secili veç e veç, foli për punën por edhe problemet me të cilat po përballen gjithnjë duke inkurajuar qytetarët që të ankohen ndaj institucioneve që u shkelin të drejtat.

Kryeprokurori i Ferizajt, Shukri Jashari, ka vënë theksin në përkushtimin e prokurorisë në luftë kundër korrupsionit, duke përmendur ndjekjen ndaj disa policëve për vepra penale, ndërsa kryetari i Gjykatës Komunale të Ferizajt, Bashkim Hyseni, solli një pasqyrë të punës së kësaj gjykate, duke treguar se kjo gjykatë mbase është më e ngarkuara me lëndë në tërë Kosovën. Hyseni shpjegoi se shumë praktika të reja po zbatohen në këtë gjykatë vetëm për ta rritur efikasitetin.

Brahim Tërstena, mbojtës i viktimave të dhunës në familje, tregoi në mënyrë më praktike rrugët e trajtimit të viktimave si dhe të drejtën e tyre për të parashtruar rastet e keqtrajtimit

Në këtë debat u fol edhe për punën që po bëhet në mbrojtjen e të drejtave të viktimave. Anton Ndrecaj nga CLAD foli për shumë aspekte të shkeljes së të drejtave si dhe për punën e qendrës së tyre për t’iu dalë në ndihmë viktimave nga dhuna familjare, e cila sipas tij po shënon rritje në zonat rurale. Ajo që doli më shqetësuese ishte numri i madh i lëndëve që presin të zgjidhen. Lidhur me këtë, zëdhënësja e Këshillit Gjyqësor të Kosovës, Aishe Qorraj- Berisha, theksoi se rreth 200 mijë lëndë janë të pazgjidhura, duke e bërë fajtor Qeverinë për ndarjen e paktë të buxhetit për Gjyqësorin, vetëm 19 milionë euro. Ajo përmendi edhe reformën e cila pritet të ngjanë në fillim të vitit, kurse u angazhua për një transparencë më të madhe dhe për një informim më të drejtpërdrejtë të punës së gjyqësorit.

Në këtë debat u fol edhe për çështjen e centralizmit të informacionit dhe mosraportimit me kohë për procesin e hetimeve të shumë veprave. Ndryshe, u tha se sistemi i drejtësisë duhet të shikohet si tërësi dhe se as qytetarët dhe as mediat nuk duhet ta vlerësojnë punën e gjykatave vetëm nga pala ankuese, sepse vendimi i gjykatave është më gjithëpërfshirës.

Promovohen të drejtat e qytetarëve

Më të komentuarat

Abonohuni për lajme me email

Dergo Artikullin ne Email

Kyçu

Promovohen të drejtat e qytetarëve

Të tjera nga rubrika

Më të komentuarat

Abonohuni për lajme me email

Dergo Artikullin ne Email