Raundi i dytë, edhe në Kosovë

Prishtinë, (Kosovapress) 09 Maj 2012 11:32

Misioni i OSBE-së në Kosovë është i gatshëm të organizojë edhe raundin e dytë të zgjedhjeve presidenciale serbe, ka thënë zëdhënësi i misionit të OSBE-së në Kosovë, Nikola Gaon.

“Marrëveshjen të cilën e kemi nënshkruar me qeverinë e Serbisë është që OSBE-ja të ‘lehtësojë’ zgjedhjet presidenciale dhe parlamentare serbe. Pasi presidenti i Serbisë nuk është zgjedhur në raundin e parë, do të mbahet raundi i dytë i zgjedhjeve edhe në Kosovë”, ka thënë Gaon për mediet serbe.

Ai ka ripërsëritur se, sipas vlerësimeve të OSBE-së, raundi i parë i zgjedhjeve është organizuar suksesshëm përkundër evidentimit të problemeve të vogla dhe lëshimeve, si pasojë e listave jo të rregullta zgjedhore, por që ishte përgjegjësi e Komisionit Zgjedhor Republikan.