Bllokohen fshatrat shqiptare të Zveçanit

Mitrovicë, (Kosovapress) 25 Prill 2012 12:40

Të martën mbrëma, në rrugën kryesore në drejtim të fshatit Kelmend, Zhazhë e Boletin, janë vënë gurë me të cilët është bllokuar qarkullimi i lirë i banorëve shqiptarë të kësaj ane.

Zëdhënësi i policisë në Mitrovicë, Besim Hoti, ka thënë se veç ankuesve të këtij rasti, Policia e Kosovës nuk ka takuar persona të dyshuar në vendngjarje, ndërsa gurët janë larguar nga policia me qëllim të lirimit të rrugës. /Kosovapress/

Sipas tij, marrë parasysh rrethanat e paraqitura në terren, Policia e Kosovës beson se persona të panjohur kanë vendosur pengesa të tilla me paramendim të krijimit të pengesave për ndalje të dhunshme të qarkullimit.

“Policia ka iniciuar hetimet e rastit në bazë ligjit mbi rend dhe qetësi publike, për vepër të jashtëligjshme ‘krijim të rrethanave të rrezikshme’”, ka thënë Hoti. /Kosovapress/