Thaçi, nesër në Bruksel

Prishtinë, (Kosovapress) 23 Korrik 2012 13:20

Me ftesë të shefes së Bashkimit Evropian për Politikë të Jashtme, Ketrin Eshton, kryeministri i Kosovës Hashim Thaçi nesër do të udhëtojë për në Bruksel.

Në takimin Thaçi – Eshton do të diskutohet për ecurinë e deritashme të dialogut Prishtinë – Beograd, të lehtësuar nga BE-ja, zbatimin e marrëveshjeve të arritura në këtë dialog, marrëdhëniet e Kosovës me Bashkimin Evropian, procesin e liberalizimit të vizave për Kosovën dhe çështje të tjera me rëndësi.