Mustafa: Sejdiu vizitoi shokët e vet, jo degën e LDK-së (me video)

Prishtinë, (Kosovapress) 10 Qershor 2012 16:01

“Askush s’mund të legjitimojë individualisht asgjë dhe s’mund të mohojë individualisht asgjë”. Kështu u shpreh kryetari i Prishtinës Isa Mustafa, i pyetur rreth vizitës së ish kryetarit të LDK-së Fatmir Sejdiu, bërë një ditë më parë në degën e Gjakovës, ku ai kishte vizituar përkrahësit e tij në këtë degë, e cila nuk njihet nga strukturat qendrore të partisë.

Mustafa tha se dega e Gjakovës është legjitimuar nga Këshilli i Përgjithshëm dhe Kuvendi i LDK-së dhe nuk është ajo degë, të cilën e ka vizituar një ditë më parë Sejdiu. Mustafa pohoi se ata nuk kanë qenë të njoftuar për këtë vizitë dhe se Sejdiu ka vizituar një grup të shokëve të tij, e jo degën e LDK-së në Gjakovë.../Kosovapress/

“Dega e Gjakovës është legjitimuar nga këshilli i përgjithshëm dhe kuvendi i LDK-së dhe ajo nuk është kjo degë ku ka qenë zoti Sejdiu, sepse ajo nuk është degë por një grup i shokëve të zotit Sejdiu. Ndërsa dega është ajo që i ka bërë zgjedhjet vitin e kaluar dhe e cila funksionin me miratim të Kuvendit të LDK-së dhe këshillit të përgjithshëm të LDK-së. Sejdiu është anëtarë i partisë, për atë që ka qenë aty është punë e tij. Mund t’i vizitojë shokët e vet, por jo degën e LDK-së, s’kemi qenë të njoftuar, por s’është ndonjë problem i veçantë”, tha Mustafa. /S.Zogaj/