Thaçi merr mbështetje në realizimin e agjendës evropiane dhe euro-atlantike

Prishtinë, (Kosovapress) 20 Shkurt 2012 19:10

Në kuadër të angazhimeve të tij për fuqizimin e agjendës evropiane dhe euro-atlantike të Kosovës, kryeministri i vendit, Hashim Thaçi, sot gjatë ditës ka zhvilluar disa biseda telefonike me personalitete të njohura evropiane dhe amerikane, nga të cilët thuhet se ka marrë mbështetje të parezervë për integrime.

Përmes një komunikate për media të lëshuar nga Qeveria thuhet se kryeministri Hashim Thaçi gjatë ditës së hënë ka kontaktuar me ministrin e...

Përmes një komunikate për media të lëshuar nga Qeveria thuhet se kryeministri Hashim Thaçi gjatë ditës së hënë ka kontaktuar me ministrin e Jashtëm të Britanisë së Madhe, Ëilliam Hague, ministrin e Jashtëm të Suedisë, Carl Bildt, mandej me kongresmenë amerikanë, Eliot Engel dhe Gary Peters, si dhe me presidentin e Kroacisë, Ivo Josipoviq dhe komisionerin evropian për zgjerim, Stefan Fule.

Sipas komunikatës, tema kyçe gjatë bisedave ka qenë kërkesa e kryeministrit Thaçi që Kosova të mbështetet në negocimin dhe nënshkrimin e Marrëveshjes për Asociim dhe Stabilizim, në mënyrë që Republikës së Kosovës t’i hapen dyert drejt anëtarësimit të plotë në Bashkimin Evropian.

“Kryeministrit Thaçi i është rikonfirmuar nga të gjithë bashkëbiseduesit se Kosova do të ketë mbështetje të pa rezervë në realizimin e agjendës së saj evropiane dhe euro-atlantike”, thuhet në komunikatë.

Gjithashtu thuhet se kryeministri Thaçi ka marrë urime me rastin e përvjetorit të katërt të Republikës së Kosovës, si dhe e përgëzuan për të arriturat që ka bërë Kosova në kuadër të këtyre katër viteve.