Lulëzon droga në Llaushë

Prishtinë, (Kosovapress) 16 Gusht 2012 12:28

Policia ka arrestuar dy të dyshuar në fshatin Llaushë të Skenderajt, pasi që gjatë bastisjes në shtëpitë e tyre janë gjetur dhe konfiskuar fara të kanabisit dhe substancë të dyshuar narkotike.

Përmes një komunikate për media, policia ka bëre të ditur se fillimisht policia ka konfiskuar një sasi të marihuanë prej 2.5 gramë, pastaj në një arë janë gjetur të mbjellur rreth gjashtëdhjetë bimë të llojit kanabis sativa, si dhe 11.5 gramë tjerë marihuanë.

Sipas policisë, substanca narkotike e gjetur në këtë fshat është konfiskuar ndërsa me urdhër të prokurorit të dyshuarit janë dërguar në mbajtje./Kosovapress/