Jarinja vazhdon të mbetet e bllokuar

Mitrovicë, (Kosovapress) 27 Korrik 2012 11:09

Derisa policia e Kosovës ka konfirmuar se qarkullimi në Jarinjë është normalizuar, burime të Kosovapress-it nga veriu, bëjnë të ditur se grupe serbësh, nga dita e djeshme, vazhdojnë të mbajnë të bllokuar pikën kufitare në Jarinje.

Sipas këtyre burimeve, dhjetëra serbë janë vendosur në meszonë të kufirit në mes të Kosovës dhe Serbisë, duke mos lejuar qarkullimin e kamionëve me mallra.

“Këta serbë kanë për qëllim të nxjerrin jashtë funksionit këtë pikëkalim kufitar të krijuar nga Prishtina”, kanë thënë burimet, duke shtuar se ata po i detyrojnë vozitësit e kamionëve të përdorin rrugët alternative për kalimin e kufirit. /Kosovapress/

Sipas këtyre burimeve, dhjetëra serbë janë vendosur në meszonë të kufirit në mes të Kosovës dhe Serbisë, duke mos lejuar qarkullimin e kamionëve me mallra.