Policia e gatshme të ofrojë përcjellje për serbët

Mitrovicë, (Kosovapress) 27 Qershor 2012 10:42

Zëvendësi i drejtorit të Drejtorisë Rajonale të Policës së Kosovës në Mitrovicë, Ergin Mediq ka thënë sot se policia e Kosovës do të sigurojnë përcjellje për qytetarët të cilët, nesër në mëngjes nga Mitrovica dëshirojnë që në mënyrë të organizuar ta vizitojnë Graçanicën dhe Gazimestanin, me rastin e festës së tyre fetare - Vidovdan.

Ai për mediet serbe ka thënë se përcjellja policore do të ofrohet për autobus dhe vetura udhëtarësh, duke apeluar tek të gjithë që konsiderojnë se u është e nevojshme përcjellja policore, që nesër në orën 6:00 të mëngjesit të jenë para Shkollës teknike në Mitrovicë.

“Në rajonin e Mitrovicës, plani operativ është orientuar në dy grupe aktiviteti – njëra është sigurimi i përcjelljes ndërsa tjetri sigurimi i rendit publik në qytet, posaçërisht në zonat me popullatë të përzier”, ka thënë Mediq.

Mediq ka thënë se kisha serbe ka siguruar tetë autobusë të cilët nesër në mëngjes do të nisen në drejtim të Graçanicës, duke shtuar se policia përgjatë kësaj feste do të jetë në tërësi e angazhuar me të gjitha resurset e saja.

Më të komentuarat

Lajmet e Fundit

Siguri

Policia e gatshme të ofrojë përcjellje për serbët

Më të komentuarat

Abonohuni për lajme me email

Dergo Artikullin ne Email

Kyçu

Policia e gatshme të ofrojë përcjellje për serbët

Të tjera nga rubrika

Më të komentuarat

Abonohuni për lajme me email

Dergo Artikullin ne Email