As Ivanov në inaugurimin e Nikoliqit

Shkup, (Kosovapress) 09 Qershor 2012 08:50

As Presidenti i Republikës së Maqedonisë, Gjorge Ivanov nuk do të marrë pjesë në inaugurimin e presidentit të ri të Republikës së Serbisë, Tomisllav Nikoliq të caktuar për të hënën në Beograd.

Ditë më parë, mospjesëmarrjen në inaugurimin e Nikoliqit, e ka konfirmuar edhe presidenti kroat, Ivo Josipoviq dhe ai i Sllovenisë, Danilo Tirk. Ky i fundit deklaratat e Nilokiqit për Srebrenicën dhe Vukovarin i ka quajtur si të pashembullta. Ngjashëm, mospjesëmarrjen e tyre e kanë paralajmëruar edhe personalitetet të larta të shtetit të Bosnjes.