Wikileaks, dy milionë mesazhe të zyrtarëve sirianë

Londër, (Kosovapress) 06 Korrik 2012 09:44

Faqja e internetit WikiLeaks njoftoi sot publikimin e më shumë se dy milionë mesazheve të personaliteteve politike dhe zyrtarëve sirianë që datojnë nga muaji gusht 2006 deri në muajin mars 2012.

"WikiLeaks filloi të publikojë dosjet e Sirisë, më shumë se dy milionë email-e të personaliteteve politike siriane, ministrave dhe ndërmarrjeve që datojnë nga muaji gusht 2006 deri në muajin mars 2012'', deklaroi një zëdhënëse e këtij rrjeti, Sarah Harrison, në një konferencë shtypi në Londër.