Masakër e re në Hama të Sirisë

Damask, (Kosovapress) 07 Qershor 2012 10:38

Sipas burimeve të aktivistëve opozitarë në Siri, të paktën 86 persona, duke përfshirë gra dhe fëmijë kanë mbetur të vrarë nga forcat lojaliste të presidentit Asad, në provincën e Hamas.

Raportohet se më tepër se 20 fëmijë dhe 20 gra janë në mesin e të vrarëve në fshatrat e Quabir dhe Maarzaf, në atë që aktivistët e...

Raportohet se më tepër se 20 fëmijë dhe 20 gra janë në mesin e të vrarëve në fshatrat e Quabir dhe Maarzaf, në atë që aktivistët e quajtën një tjetër masakër.

Televizioni shtetëror raportoi se ushtria zbuloi disa trupa pas sulmit mbi terroristët, siç i quan regjimi kryengritësit.

Sipas aktivistëve, zona fillimisht u bombardua dhe më pas ushtarët hynë në fshatra për të vrarë banorët.

Numri i viktimave nuk mund të konfirmohet ende, por nëse një gjë e tillë është e vërtetë kjo masakër vjen pas asaj që ndodhi më pak se dy javë më parë në Houla, ku humbën jetën rreth 108 persona.

Dëshmitarët fajësojnë trupat pro-qeveritare, ndërsa vetë qeveria akuzoi grupet e armatosura që kërkojnë të tërheqin një ndërhyrje ushtarake nga jashtë.